وصفة متجربة لتخسيس الكرش

الوصفة اللى هقولكو عليها النهارده هى عبارة عن كذا وصفة فى بعض وانا جمعتهم فى وصفة واحدة او مشروب واحد للتخسيس

قريت كتير على النت عن وصفات للتخسيس ومشروبات بتساعد فى حرق الدهون بدون رياضة

ولقيت اعشاب بتساعد على الحرق زى :
1- مشروب الكمون والليمون
2- مشروب البابونج
3- الشاى الاخضر
4- النعناع
5- الجنزبيل
6- القرفة
وممكن تقرو عن فوائد كل حاجه منهم بالتفصيل على الانترنت

انا بس هقولكو بعمل المشروب دا ازاى

اول حاجه بجيب كوباية واحط فيها 
"ملعقة كبيرة من نبات البابونج"



ودا شكله لما تشتريه من عند العطار 



تانى حاجه تحطى الشاى الاخضر ملعقة برده اشترى الشاى الاخضر اى نوع مش لازم نوع معين


ملعقة قرفة صغيرة وملعقة جنزبيل صغيرة والاتنين مطحونين





ونحط نعناع اخضر لو موجود ولو مش موجود نحط النعناع الناشف المطحون






ملعقة صغيرة كمون ونعصر ليمونة





بعد ما نحط كل دا فى الكوباية نصب عليها الماء المغلى ونغطى على الكوباية كويس عشان نستفيد بالاعشاب اللى فيها ونسيبها متغطية 10 دقايق على الاقل



وطبعا منحطش سكر
فى الاول هيبقى الطعم غريب اوى ومش متعودين عليه من غير سكر لكن بعد كام يوم هيبقى الطعم عادى
من خلال اللى قريته على النت عرفت انه عشان نحس بنتيجة مفروض يتشرب المشروب دا 3 مرات فى اليوم