خطوات بسيطة عشان تبقى فريلانسر - مجلة الشفق

7️⃣ خطوات بسيطة عشان تبقى فريلانسر

النهاردة في 7 خطوات سهلة هتقدر تقدم خدمتك الأولى.

1️⃣ حدد الخدمة المقدمة:

بعد ما حددت المجال الأنسب ليك، شوف مشاكل العملاء فيه وازاي تقدر تحلها 💡

ولما تحدد الخدمة بتاعتك، جهز وصف دقيق وسريع ليها موضح فيه أنت بتعمل ايه وازاى ولمين 👌

2️⃣ ذاكر عميلك كويس:

شوف أكتر فئة موجه ليها خدمتك وحط نفسك مكانهم وأعرف صفاتهم المشتركة وأماكن تواجدهم 🎯

مثلا موجودين على منصة معينة من منصات العمل الحر فهتقدم  عليها أو أنت محتاج تكون بتزود شبكة علاقاتك ومعارفك ولا هتعمل حملات تسويقية على السوشيال ميديا 🔎

3️⃣ سعر خدماتك:

التسعير للأسف مفيش ليه قاعدة ثابتة، وبيعتمد على عناصر كتير من ضمنها:

🔥 أسعار المنافسين 

🔥 مستوى خبرتك 

🔥 مدة المشروع وتعقيده 

🔥 نوع الصناعة

وعموما أشهر نموذجين تسعير هما: عدد ساعات الشغل أو سعر ثابت للمشروع 💰

4️⃣ اعرض سابقة أعمالك باحترافية:

من المهم تاخد الإذن من عملائك السابقين باستخدام المشاريع بتاعتهم وعرضها في البورتفوليو الخاص بيك 💥

كمان خليد فاكر إنك تقدر تضيف فيه آراء العملاء السابقين فيك، نتائج أعمالك السابقة، صور ورسومات بيانية، يعني مش بس عينات شغل 🚀

5️⃣ اكتب عرضا مميزا:

لما تشوف وظيفة أحلامك اللي هتقدر تقدم خدمتها بامتياز، قدم عرضك المميز ✍

حدد فيه ايه احتياج العميل من وجهة نظرك وازاي تقدر تساعد مع توضيح خبراتك ومؤهلاتك 🧐

6️⃣ ابني علاقة مع العميل:

بناء علاقات طويلة المدى مع العملاء بتوعك هتساعدك تخليك تشتغل على مشاريع أكتر معاهم، بالإضافة لترشيحهم ليك 🖇

وافتكر دايما إن إتقان عملك والتواصل بشكل فعال مع العميل وبناء الثقة هم مفاتيح أي علاقة جيدة مع العملاء 💯

7️⃣ طور نفسك باستمرار: 

حسن من نفسك دايما بالمذاكرة والتدريب وتطوير المهارات اللازمة، عشان دايما تكون بتقدم خدمات بأعلى جودة ✅

سواء عن طريق الكورسات المدفوعة أو المجانية أو متابعة أشهر المواقع في عملك، المهم إنك تبقى عارف كل جديد في مجالك 🌟

🗽 قولنا في الكومنتات جاهز تبدأ فريلانس ولا لسه هتفكر؟ 

#فريلانسر

#Freelance 

#بنت_الجنوب