ازاى أبقى أب جيد فى خطوة واحدة | التربية الإيجابية

 ما بين اننا نتحول من آباء سيئين لآباء جيدين خطوة واحدة🚶🏻

إننا نتخلص من القلق والتوتر والعصبية الدايمة ف تعاملنا مع أولادنا ونتعامل بهدوء واسترخاء👌🏻👌🏻

طبعا فيه مواقف بتفرض علينا القلق والتوتر لكنها مش دايما هى الأصل...الأصل انك تمارس دورك التربوى بهدوء واسترخاء😊😊 

المشكلة ان التوتر الدائم بيخلق حالة من عدم الاتزان فى التصرفات وردود الأفعال وبالتالى ما بتعالجش الموقف بشكل يبنى شخصية ابنك او بنتك

طب حالة التوتر دى مظاهرها ايه....؟؟

🤔🤔

خد عندك مثلاً...

آباء مهووسين بالنظام😮

حذائك تسيبه ع الباب...لو نسى تقوم القيامة

لو حرك حاجه من مكانها وما رجعهاش يبقى مش منظم ومهمل...

🙉

هدومه ما ينفعش تتبهدل ولا تتوسخ رغم أنه رايح يلعب ف الجنينة 🍀☘️...

و طبعاً مستحيل العيال يستمتعوا بوقتهم ودائما هيبقوا عايشين تحت ضغط عصبى بسبب السيستم😎

خد كمان.. الآباء المهوسسين بالتفوق...

🤓🤓لو نقص درجة واحدة ف امتحان تبقى كارثة...

لو سرح شوية تبقى مصيبة

ازاى تضيع وقت من غير مذاكرة

انت ما وراكش حاجه غير الكتاب...

📚

وطبعاً بيجيله كبت وبيزيد عليه الضغط العصبى وممكن يهنج ويسقط ويندوز بسبب عدم مرونة السيستم😎

فيه مثلاً اب بيعشق المنافسة 🏆وبالتالى لو ولاده ما كسبوش ف اى حاجه بيلعبوها أو بيشتركوا فيها يتعصب عليهم ويلومهم ويحسسهم بالتقصير وطبعاً دا ضد سنن وقوانين الحياه...محدش بيتفوق طول الوقت ف كل حاجه...وطبعاً الحالة دى بتعمل عبء نفسى يزرع عقدة عند كل فشل أو خسارة بيتعرضولها

فيه نماذج كتير زى كدا بتقابلوها أو هاتلاقوها ف نفسكوا 🤗🤗طب الحل ايه بقى.......؟

استرخِى ...⛱🍹ودى القاعدة الاولى #علشان_ما_تتجننش 

دى طبيعة الأشياء وقوانين الدنيا....ابنك أحيانا هايكسر النظام وهايكون فوضوى لأنه بنى ادم مش آلة....✋🏻ياناس دا حتى الآلة بتهنج...😎

كسر النظام أحيانا مش مشكلة مادام مش هو السلوك المسيطر ومفيش خطورة على حياته 

ابنك هايلعب وهايقع وركبته هاتنجرح وهدومه هاتتقطع ساعات وممكن يرجع بالتيشرت البينك جرين من الشقلبة ع النجيلة...😎الدنيا ما اتهدتش وبرسيل عنده الحل..😂

ابنك هايتفوق لكن احيانا هاينقص...ومش هايقفل درجات...عادى الدنيا ما وقفتش

ابنك ممكن يخسر ماتش أو مايفوزش بالنهائى...منطقى الخسارة خطوة منطقية للوصول للفوز

💪🏻💪🏻

المهم اننا نوصل لمرحلة الاسترخاء ف غالب المواقف مع أولادنا...وإن التوتر والعصبية والنرفزة تكون شئ استثنائي مش الأصل 

الاسترخاء والهدوء هايخلينا نحافظ على قدراتنا العقلية ونركز على حل المشكلة 👍🏻

انما التوتر والعصبية بيخلونا نركز ع المشكلة ذاتها فتفضل من غير حل وتزيد مشاكلنا ومشاكل اولادنا👌🏻

ملخص القاعدة دى من الآخر ف جملة واحدة هو:

((الآباء الجيدين يتوقعون من أولادهم أن يكونوا صاخبين، مهملين، دائمى الشجار والحركة والشكوى، ويغطى ملابسهم الوحل))...✌🏻واخد بالك من توقعات الاباء الجيدين ...✌🏻

يبقى #عشان_ما_تتجننش #استرخِ

طب ايه تانى قاعده....؟

تانى قاعده #عشان_ما_تتجننش #حدد_مواطن_قوتك

يعنى إيه وازاى...؟🤗