قصة جريمة قتل بقلم فيروز شبانة _مجلة الشفق

 المقدمه

احيانا الثقه الزايده بالناس تؤدي الي عواقب وخيمه

فلا تجعل ثقتك مطلقه بل في حدود

جريمه قتل قصة بالعامية المصرية 

الحلقه الاولي

الظابط محمد :النيابه لسه ماجاتش عشان تعاين

المخبر :جايين ف السكه

محمد:الجريمه واضحه الدكتور امجد قتل الدكتوره هبه مافيش مشتبه به تاني 

وجاءت النيابه وعاينت واخذو الدكتور امجد للتحقيق معه

حامد وكيل النيابه:عاوز تحليل المعمل الجناءي والبصمات  توصلني ف اقرب وقت 

المخبر:تمام يافندم

حامد:قتلت هبه ليه ياامجد 

امجد :والله ماقتلتها 

حامد:مافيش غيرك كان ف مسرح الجريمه واما يجي التقرير اكيد بصماتك ع المسدس  

يعني لبساك لبساك 

قتلتها ليه بقي

امجد:هقتلها ليه بس دي دكتوره محترمه وعلاقتي بيها كويسه وشغاله عندي ف المستشفي

حامد:يمكن كان في بينكو علاقه وحاولت تفضحك

امجد:استغفر الله عمري ماعملت حاجه زي كده وسمعتي كويسه

حامد:حبس 15 يوم علي زمه التحقيق مع مراعاه التجديد ف الموعد المحدد

وذهب به العسكري الي الحبس

...........

زيدان :كيفك ولد العم ايه تهمتك

امجد:قتل 

زيدان :بصره

امجد:بس انا بريء ماقتلتهاش والله ماقتلتها

زيدان :ربنا قادر يظهر الحق

امجد:يارب وانت جاي ف ايه

زيدان :جتل خدت بتاري

امجد:لا اله الا الله 

قتل النفس مش حاجه بسيطه اخي 

زيدان:دا تاري عاوزني ابقي زي الحرمه واسيب تاري

امجد:في حاجه اسمها العفو عند المقدره اينعم ولكم ف القصاص حياه 

لكن اللي بيعفو له اجره

زيدان :دا حديت حريم ماسخ ماليش فيه

..........................

المخبر :امجد السويفي زياره

امجد:حاضر

...........

المخبر :امجد يافندم

الظابط:اتفضل يادكتور 

هسيبكو لواحدكو يا نصر بيه

نصر:ازيك ياامجد

امجد:عمي شوفت ياعمي بقي انا اقتل هبه 

هل ممكن تصدق كده

نصر:والله يابني ماعارف اعمل ايه التهمه لبساك لبساك

امجد:ونور مراتي وابني اخبارهم ايه

نصر:بنتي بخير وادم كويس 

امجد:فهمها ياعمي الكلام ده كذب 

نصر :طب انت عاوز حاجه

انا هوكلك محامي ماتقلقش والمستشفي ف عنيا ماتقلقش

امجد:انا عارف ياعمي 

انا ماليش غيرك بعد وفاه بابا 

نصر:طبعا يابن اخويا دا انت ابني وجوز بنتي

جريمه قتل 

الحلقه التانيه

بعد الزياره رجع امجد للحبس

زيدان :خير ياولد العم مش عارف ليه ارتحتلك ومصدقك

امجد:عشان انا بريء فعلا 

زيدان:ربنا ينجيك 

بس انا سمعت المخبر بيقول لبساك لبساك 

يعني حد حبكها عليك اوي انت لك اعداء

امجد:ابدا والله انا سمعتي طيبه جدا وبراعي ربنا وانا دكتور يعني سبب ف شفاء الناس هيكرهوني ليه بس 

زيدان:الموضوع في ان اكيد لازم تشك ف اللي حواليك

امجد:انا تعبت والله عمري ماتخيلت يحصلي كده

زيدان :طب احكيلي كده اللي حصل

امجد:الممرضه بتاعه هبه قالتلي انها عوزاني ضروري الساعه 10 بعد انتهاء عيادتها وفعلا روحت لقيتها مقتوله وحد خبطني علي دماغي 

وقمت لقيت الشرطه جت وبتتهمني وكنت ماسك المسدس 

يعني البصمات اكيد بتاعتي عليه

زيدا:لا دا حد عاوز يابسهالك اكيد بس السؤال بقي مين بيحبك الحب ده كله

امجد:مش عارف وليه ليه عملتله ايه 

................

نصر:ازيك يانور عامله ايه

نور:كويسه رحتله 

نصر:اه 

نور:وايه الاخبار 

نصر:بينكر بس كل حاجه ضده 

نور:وهنعمل ايه 

نصر:لازم اوكله محامي طبعا 

نور :تمام

نصر:مش هتروحيله سال عليكي 

نور:يووووه عاوزني اروح الاماكن دي

نصر:لازم يانور دا جوزك 

نور:هحاول

نصر:لا لازم مش عاوزين هبل انتي فاهمه 

نور:حاضر حاضر 

................

نور:الو ايوه يا مراد ياحبيبي 

شوفت بابا عاوزني اروح ل سي امجد البوليس

د.مراد:لازم حبيبتي مش جوزك مش عاوزينه يقول ماصدقت  ولما يتعدم نبقي نتجوز 

نور:امتي بقي كفايه كده 

انت عارف انا ماحبتش غيرك انا اجوزته مجبره من بابا عشان المستشفي واستحملت واحد اكبر مني ب15  سنه 

مراد:معلش حبيبتي هانت ونتجمع بقي الكل بيقول لبساه لبساه  يعني مش خارج منها

..................

المخبر:تقرير المعمل الجناءي جه يافندم

حامد:هاته

الله الله زي ماتوقعت طبعا البصمات بتاعته ع المسدس

هاته 

المخبر ينادي علي امجد

اتفضل يافندم امجد اهو 

حامد:اظن مافيش داعي للانكار 

كل حاجه ضدك

امجد:والله ماقتلتها

حامد:ايه اللي وداك لها

امجد:الممرضه اتصلت انها عوزاني بعد العياده 10 وفعلا رحت لقيتها مقتوله وحد خبطني علي نفوخي فقدت الوعي فوقت لقيت الشرطه جت واتهموني

حامد:وانت متعود تروحلها بعد العياده

امجد:تقصد ايه

جريمه قتل 

الحلقه التالته

حامد:هههه اقصد ايه جراايه يادكتور 

بعد العياده ولوحديكو مفهومه ومتعودين علي كده بقي وطلعت حامل مثلا فقلت تخلص منها

امجد:الدكتوره هبه انسانه محترمه جدا والمستشفي تشهد باخلاقها 

حامد:مايمكن جوه المستشفي وبعد العياده شيء تاني

اامجد:انا اول مره اروحلها اكيد كان في موضوع مهم 

حامد:ابعت يابني هاتلي ممرضه الدكتوره هبه

........................

تاني يوم

حامد:اسمك وسنك وعنوانك

اكتب يابني

نوال:انا نوال.........

حامد:انتي اتصلتي ب امجد يوم وفاتها

نوال:ايوه يافندم الدكتوره قالتلي اتصل بيه واديه معاد 10 بعد العياده وقالتلي  اروح انا عشان ماتاخرش

حامد:وهي متعوده علي كده

نوال:الصراحه معرفش دي اول مره تقولي انما متعودين دي معرفش بقي 

حامد:ماشي لو احتجتك هستدعيكي 

نوال:ماشي ياباشا

حامد:رحلو زيدان وامجد من سراي النيابه للقسم بتاعهم علي مايجي تقرير الطب الشرعي

وفعلا وضع الكلابوش لزيدان وامجد

واخذ زيدان وامجد الي عربه الترحيلات

امجد:انا تعبت ومابقتش قادر

زيدان :انت رهيف كده ليه امال لو خدت 25 سنه ولا اعدام عتعمل ايه

امحد:انا ممكن اموت قبلها لو حصل كده انا عندي طفل لسه مولود مين هيربيه ومراتي 20 سنه لسه هتستحمل تعيش ازاي لوحدها وتربيه لوحدها

زيدان :يابوي دي صغيره انت كام سنه

امجد:35

زيدان :وليه اتجوزت صغيره كده

امحد:بنت عمي وهو اللي قالي مش هلاقي زيك تصونها وتحميها 

وكمان عمي هو مدير المستشفي بتاعتي فقلت اهو نجوز وانا اولي ببنت عمي

زيدان:وهي وافقت

امجد:ورحبت جدا وخلفت ادم لسه شهور 

زيدان:ربنا يخلي 

واثناء ذلك حدث مالم يكن ف الحسبان

جريمه قتل

الحلقه الرابعه

امجد:ايه في ايه ضرب النار ده

زيدان ؛ ماتجلجش قلبك خفيف جوي ياولد العم

وفجاه يفتح الباب بتاع عربه الترحيلات

هراس:يلا يازيدان هم ياولد بوي

هراس:ودا مين وياك نطخه 

زيدان :لاع دا معاي دا الدكتور امجد صاحبي هياجي معاي

امجد:لا مقدرش كده بثبتها عليا 

زيدان:ياعم هي ثابته عليك يمكن بره تعمل شيء

واخذه معه وذهبو الصعيد 

ابو زيدان :ايه ده يا ولد ازاي تجيب غريب معاك

زيدان:دا ف حمايتي يابوي وانا مابعش صاحبي 

ابوه:راجل من ضهر راجل ياولد

وايه حكايته

قص عليه زيدان حكايته

ابوه:بس دي حكيوه واعره جوي ياولد كفيانا اللي احنا فيه

زيدان:لازمن نساعده يابوي

ابوه:تعال يادكتور

ماتعرفش مين يكون عمل المغرز ده فيك 

امجد:مش عارف والله

بس اللي ممكن ينقذني تقرير الطبيب الشرعي لو جه ف صالحي 

عاوز اعرف مين المسؤل عنه 

زيدان :غالي والطلب رخيص

كل شيء عنه هيكون عندك

..................

الممرضه:مش هتمشي يادكتوره هدي 

هدي:لا قاعده شويه مستعجلني ع التقرير ولسه شغل كتير ع الجثه

هدي:تسجل انسه ف العقد الثالث .......

الممرضه :طب مانكمل بكره يادكتوره

هدي:خلاص يلا عشان بكره اركز

...........................

زيدان جبتلك كل شيء عنها

امجد:هي دكتوره

زيدان اه د.هدي من المنصوره وعايشه ف القاهره ف العنوان ده 28 سنه انسه هي المسؤله عن التقرير ومشهود لها بالكفاءه ووصلت لمنصبها ف سن صغير

امجد:تمام لازم اروحلها 

زيدان :ماتخليك معنا انا خايف يمسكوك

امجد:لازم مافيش مفر

زيدان:خلاص هبعت الرجاله وياك يسلكوك ف الطريقواي شيء اتصل عليا ياولد العم ربنا معاك يلا الليل ستار

جريمه قتل

الحلقه الخامسه

:ابو زيدان :اطلع ياولد ريح مرتك جبناها فوق وخليك اتخبي هنيه علي ماالحكومه تهدي 

زيدان :حاضر يابوي

.......

زيدان:كيفك يامهجه قلبي

مهجه:تواك مافتكرت ان ليك مره

وينك ياولد عمي من يوم ماجيت

زيدان مش بنامنو المكان يامره

بس اني مشتاج

مهجه:باااه اني زعلانه لس جياك وتشخط فيه

زيدان:لع مش وجت دلع ماسخ امال 

تاجي الحكومه تطب علينا نلبسو اداب بدل جتل خلصي يامره

مهجه:ما جري ايه ياولد عمري براحه عليا عاد

زيدان:بقولك مشتاج يابت

..............

وصل امجد الي مكان الدكتوره هدي وطلع ومعه هراس فتح له الباب باحترافيه

كانت تجلس علي لاب توبها تشاهد الصور التي صورتها للجثه وبعض التفاصيل وهي منهمكه وتحرك نظارتها وتردتدي قميص جل قصير بكم ولكلوك وتمسك بكوب النسكافيه وهي سارحه ف الجريمه وتجلس بحجرتها علي مكتبها 

دخل امجد وهراس وخدرها من الخلف وربطها من قدمها ويدها ووضعها علي السرير

وقال لهراس ان ينزل هو وعندما تستفيق يتحدث معها فهو نسبه مخدر بسيطه وتفيق سريعا  ولكن لتهداتها

ونزل هراس واغلق الباب 

وجلس امجد علي كرسي يتاملها حتي تستيقظ

وبعد فتره استيقظت تتامل  المكان وهذا الذي امامها ولا تستطيع رؤيته بوضوح وعندما استفاقت كاملا حاولت النهوض ضم يدها علي صدرها وتنظر اليه وكانها تقول من انت وماذا تريد

امجد:اسف يادكتوره هدي مافيش حل غير كده سامحيني واقبلي اعتذاري

انا امجد السيوفي المتهم بقتل د.هبه اللي هتعملي التقرير عنها 

انا مش هاذيكي انا جاي اكلم معاكي بس ممكن اشيل اللي علي بؤك بس ارجوكي ماتصوتيش هم كلمتين وهمشي وصدقيني عمري ماهاذيكي لاني عمري مااذيت حد والله

فاومات براسها 

وفك فمها

هدي:وانت عاوزني بقي اغير التقريرلصالحك 

امجد:اعوذ بالله 

لا طبعا انا بريء فعلا وعاوزك تدرسيها كويس اوي وتحاولي تعرفي تفاصيل التفاصيل انتي املي الوحيد ف النجاه بعد ربنا سبحانه وتعالي

هدي:من غيرماتقول انا دايما براعي ربنا ف شغلي ومابهملش اي تفصيله

امجد:وياريت لو في اي ثغره تبلغيني

وكتب لها رقم 

الرقم ده بتاع ناس معايا ياريت تكلميني عليه وياريت بلاش تبلغي عنهم هم مالهمش ذنب دول مجرد ناس ساعدوني اوصل للي عاوز يلبسني التهمه دي وانا اسف لازعاجك وكاد يمشي

احست هدي بصدق كلامه وانه حقا انسان محترم حتي انه لم ينظر اليها وايضا لم يكن علي علاقه بالمجني عليها كما يقال فهي انسه وقد كشفت عليها ولكن لفت نظرها شيء غريب 

هدي:د.امجااااد

امجد:افندم

جريمه قتل 

الحلقه السادسه

هدي:مش هتفكني

امجد:انا اسف نسيت والله

وذهب  يفكها وهو ينظر بعيد عن رجلها حتي اخذ وقت لكي لا ينظر لها

فاستغربت لان واحد زي ده لا يمكن يكون قاتل 

وهم بالمشي 

هدي:انت اشول ياامجد

امجد:اه

هدي :بس القاتل بيستعمل ايده اليمني

امحد:ايه بس ده مش دليل ممكن يقولو اني عملت التمويه ده

فقامت لتقف امامه  فهم بالتحول عنها حتي لايقف امامها وهي هكذا 

هدي:امجد اقف قدامي 

امجد يرجع لوضعه في حاجه

هدي:انا طول هبه تقريبا صح

امجد:تقريبا مش واخد بالي لاني بغض البصر مابخاولش ابص للي قدامي اوي غير للضروره

فامسكت هدي بيده

امحد:في ايه يا انسه

هدي:انت مش عاوز دليل براءتك

امجد:اه بس مش كده اتتي فهمتيني  غلط انا مجوز ومخلف

هدي :انت اهبل بتخرف تقول ايه

هات ايدك انا بهرج معاك

وثنتها ووجهتها لقلبها

هدي:مش انت القاتل ياامجد

امجد:ماانا عارف المهم ازاي هنثبت كده

هدي:مالكش دعوه بالموضوع ده 

لان زاويه السقوط اقل القاتل ايمن واقصرمنك 10 سم ومش عريض زيك دا رفيع  عنك 

امسكها امجد من ذراعيها ابوسك منين ياوش الخير 

امجد:انا اسف بس من فرحتي 

ودلوقت انا ماشي 

هدي:ممكن اعرف هتروح فين 

امجد:اي مكان 

هدي :ممكن اطلب منك طلب 

امجد:اتفضلي 

هدي:ممكن اساعدك 

امجد:ازاي 

هدي:عرفني حكايتك انا واثقه فيك ياامجد 

لو مش لاقي مكان ممكن تقعد ف الاوضه التانيه

انا الظابط المكلف بقضيتك قريبي ممكن نقوله ويساعدنا نثبت براءتك ونوصل للقاتل عشان حق المسكينه دي 

امجد:بس اقعد معاكي هنا ازاي لوحدينا

هدي:هنا ماحدش هيتخيل انك هنا

بس ماتحولش تكلم حد ايا كان مش عارفين مين كان بيحاول يلبسك الجريمه دي لحد اما نوصل 

امجد:وانا موافق 

هدي :وانا هبعت التقرير ومش هنقول انك بريء لحد اما نعرف مين القاتل الحقيقي انا هكلم وكيل النيابه والظابط بنفسي ونمنع النشر

جريمه قتل 

الحلقه السابعه

ذهبت هدي للظابط محمد

هدي:ازيك يابن خالي

محمد:هدي بنت عمتي عندنا يامرحبا يامرحبا اي ريح طيبه اتت بك 

اكيد في مصيبه او كارثه 

هدي:دايما فاقسني 

قضيه الدكتور امجد

محمد:اشمعنه

هدي:انت هتدخلي قافيه 

مش هو القاتل

محمد:ازاي دا هو المشتبه الوحيد فيها

هدي:وانا بقولك التقرير بتاعي بوظلك القضيه 

اولا القاتل ايمن 

ثانيا رفيع مش عريض زي امجد

ثالثا طوله اقصر من امجد ب10 سم يعني مش هو خالص وانا واثقه من اللي بقوله وعلي فكره الدكتوره انسه بيور يعني لا في علاقه ول حامل وكلام الهري بتاعكو ده 

واكيد وراها حاجه جامده جدا وقالو يخلصو عصفورين بحجر واحد

محمد:بعتي تقريرك للنيابه

هدي:اينعم

محمد:يعني فنيختي القضيه

هدي:بس مش عاوزين نقول انه بريء حالا عشان القاتل يطمن كفايه يعرف بس انه هربان ويبقي خايف انه يكشفه وممكن يغلط ولازم تشوف شغلك 

وتستكمل تحقيقاتك مع كل فرد ف المستشفي واي حد يعرف هبه وعلاقاتها

محمد:والله اقوم وتيجي مطرحي 

هدي:اهو بنعملكو وناكل من بيوتكو 

المهم كلم النيابه واتفق معاهم ع الخطه

محمد:بس هو هرب 

هدي:مالكش دعوه لما تعوزه هوصله

محمد:هو جالك 

هدي:مالكش فيه

محمد:اما اشوف اخرتها

...........

.هدي:خلاص ياعم كله تمام وربطلك مع الظابط وهيكلم النيابه 

المهم ماتتهورش وتثبت اما نتلقي التعليمات

امجد:تمام يافندم

ولا مراتي وابنياو عمي 

هدي:ابوس ايدك اي حد مشتبه ماتحاولش تتهور

امجد:مش معقول مراتي وعمي 

هدي:طب بس اصبر اما نعرف اللي هيوصلوله ايه ف التحقيقات

امجد:هحاول

جريمه قتل

الحلقه الثامنه

ذهب محمد الي المشفي ليستكمل التحقيقات مع الممرضات 

والاداره

محمد:ايه علاقتك بالمجني عليها

نصر :هو مش خلاص امجد اللي قتلها ايه لزمته الشوشره ع المستشفي 

محمد:معلش لازم نستكمل الاجراءات جاوب ياريت

نصر:كل خير كانت علاقه طيبه

محمد:طب معلش هستكمل مع الممرضات

ودخل غرفه الممرضات وعرفهم بنفسه 

وارادت واحده الانسحاب 

محمد:ياانسه استني عندك

انعام:والله مااعرف حاجه

محمد:طب ممكن الكل يطلع بره وعاوزها لوحدها

وفعلا حدث ذلك

محمد:ايه بالظبط اللي تعرفيه بدل ماهتلبسي القضيه

انعام:وانا مالي انا معرفش حاله

محمد:طب بينا ع القسم ونعرف اللي عاوزينه هناك

انعام:انا والله مااعرف حاجه انا بس سمعت نصر بيه مدير المستشفي بيكلم دكتوره هبه 

وبتقوله هقول لامجد ع الكلام ده بس ده اللي سمعته من الزعيق والله مافهمت حاجه هو ده بس اللي سمعته

محمد:تمام اوي عدي عليا ناخد اقوالك وماتخفيش مش هنجيب سيرتك ف حاجه

انعام:يسترك يابيه انا غلبانه مش عاوزه يتقطع عيشي 

محمد:ماتخافيش

.....................

نصر:شوفت يامراد مش عارف ليه بيحققو تاني 

وامجد اللي هرب ده كمان ماتصلش بيك

مراد:لا ولا اتصل بنور ولا بيك

نصر:لا 

غريبه فعلا مش عارف قلقان ليه

مراد:ياعم هي لبساه لبساه وهروبه ثبتها عليه اكتر 

يمكن بيحققو عشان لو حد يعرف مكانه ولا حاجه

نصر:ياريت يكون كده

...........................

محمد:ايوه ياهدي مش عارف ليه شاكك ان عمه له يد ف الموضوع

هدي:ليه في جديد

محمد:في ممرضه سمعته بيكلم هبه  وبتقوله هقول لامجد ع الكلام ده

شكله حب يضربهم ضربه واحده ويخلص

هدي:يخرب بيته دابن اخوه وجوز بنته

محمد:بس مش عارف ايه الدافع للجريمه لسه مجهول ولو مافيش دافع مافيش قضيه

هدي:ركز بس وهتلاقيه ولو احتجت مساعده احنا ف الخدمه ادينا فاضيين فين وفين اما بتجيلي جثه 

محمد:ياساتر يارب في حد يفرح لما يلاقي جثه

هدي:ماهي الايد البطاله نجسه يامحمد ياخويا 

هنعمل ايه اكل العيش مر

محمد:كلي جاتوه ياحبيبتي

هدي:امشي ياد انا لاقيه اكل اصلا 

وركز مع عمه شويه يمكن توصل لحاجه

محمد:ادينا مركزين اهو تاخدي شويه

هدي:انت شكلك فاضي باينك سلام 

محمد:سلام

........................

.ذهبت هدي للبيت فقام امجد مسرعا يستكشف من 

هدي:ماتخافش ده انا 

امجد:حمد الله ع السلامه

هدي:الله يسلمك 

علي فكره محمد كلمني واحتمال عمك يبقي له صله بالجريمه فما تتهورش ارجوك

امجد:مش ممكن طبعا اكيد غلطان 

طب انا عاوز اشوف ابني اكيد مراتي مالهاش دخل

هدي :سيبلي الموضوع ده يومين  بس عاوزه اعرف شكلها 

امجد:ممكن لابك عندي ع الاكونت بتاعي صورنا مع ابني

وفعلا فتح ووراها نور

هدي:مين دي 

امجد:مراتي نور

هدي:دي شكلها صغير اوي 

امجد:بينا 15 سنه انا 35 وهي20

هدي:وعادي يعني الحياه حلوه بينكو 

ووافقت ولا مغصوبه 

امجد:والله عمي اللي قالي عاوز يجوزني بنته ومش هيامن عليها غير معايا فانا وافقت اهي بنت عمي وماحبتش ارفض طلبه

هدي:وهي وافقت بدون اعتراض

امجد:اكيد امال اجوزنا ازاي وماحستش انها مضايقه بالعكس خلفنا ادم ومستحملاني انتي عارفه الدكاتره وشغلهم وكمان المسنشفي ومع ذلك ما اعنرضتش 

هدي:غريبه جدا طب سيبلي بس كده يومين الموضوع وارد عليك

ودخلت حجرتها تبدل ثيابها ودخل هو الاخر حجرته

...............

خرجت الي المطبخ لتاكل اي شيء وخرجت لتجده خارج

هدي:شوف بقي مش معني اني سمحتلك تقعد ف البيت تمشي تتجول براحتك فيه انا سيباهولك تبرتع فيه من الصبح للمغرب علي ماباجي بعد كده ليا انا 

انا احب امشي ف بيتي براحتي ماحبش حد يتريق عليا علشان بلبس حاجات غريبه

امجد:هو انا عملتلك حاجه ولا اتريقت عليكي 

هدي:هتتريق ماهو انا بحب اشمر رجل واسيب رجل كده دي من علامات العبقريه ماتتحلش المشكله معايا غير كده

امجد:طب والله ماعترضت

انا بس الكوبايه فيضيت كنت هروح املاها

هدي:خد ياسيدي الشفشق معايا مليان اهو وابقي خدلك شفشق عشان مايبقاش لك حجه

وفرغت له الماء ف  الكوب ولكن الماء اندفع ليتساقط بعضه ع الارض وجاءت لتتحرك فانزلقت ليحاول ان يمسكها فينزلق هو الاخر

ويتاوه كل منهما 

امجد:انتي كويسه

هدي:لا مش كويسه واستحميت كمان 

امجد حاول يقوم طب حاولي تقومي واسندي عليا 

هدي:ااااه  رجلي باينها اتجزعت شويه 

اوصلها لحجرتها 

امجد:عندك الفيرتيرن او ريباريل جل 

هدي:اه هتلاقي ف الاخزخانه ورا الباب عندي مضادات التهاب وحاجات للتورم

وفعلا وجد  امجد بعض الاشياء المفيده لها 

طب خدي الحبوب دي علي مااجيب مايه

هدي:حاسب تتزحلق

امجد:هههه هحاول

واحضر الماء ودهن قدمها بالمرهم 

امجد:عندك رباط ضاغط

هدي:ف درج التسريحه احضره وربط قدمها 

امجد:عاوزه حاجه تاني

هدي:متشكره 

امجد:لو عوزتي حاجه ناديني 

وجمبك خافض حراره ومايه لو سخنتي خدي حبايه

هدي:حاضر

امجد:وانا همسح المايه  واغير هدومي هراس جابلي غيارين لما قلتله هقعد هنا 

اجبلك حاجه من الدولاب تلبسيها عشان اتبليتي

هدي :ياريت هاتها واتفضل ومتشكره جدا 

امجد :العفو

جريمه قتل 

الحلقه التاسعه

استيقظ امجد من نومه في منتصف الليل ليدخل الحمام

وسمع همهمات في حجرتها وكلام غير مفهوم 

فدخل مسرعا ليجدها ناءمه اقترب ليلمس جبهتها ليجدها ساخنه

امجد:غريبه الجزع مايعملش الحراره الشديده دي يظهر لما المايه وقعت عليها جابتلها برد 

وحملها للحمام ليضع راسها تحت الماء 

ثم حملها لسريرها مره اخري وياتي بكمادات ليكمل 

وحاول اعطاءها الخافض عندما بدات تستفيق

هدي:في ايه 

وايه الي جابك هنا 

امجد:اهدي بس انا كنت رايح الحمام سمعت اصوات عندك دخلت لقيت حرارتك عاليه جدا شلتك للحمام وحطيت دماغك تحت المايه وجبتك عملتلك كمادات واديتك الخافض

وبقيتي احسن 

وهجبلك مضاد من اللي عندك خديه عشان شكلك خظتي برد من المايه اللي وقعت عليكي

هدي:متشكره اوي طب انا هنام عشان مش قادره

وفعلا نامت وغطاها وخرج 

ودخل ينام ليستيقظ ف الصباح

ويذهب للمطبخ يخرح كيس خضار مشكل ووجد بعض قطع فراخ مقطعه  فقام بعمل شوربه خضار لها ودخل يطمان عليها وجد حرارتها اصبحت معقوله وليست شديده ففضل الا يوقظها لتاخذ الدواء وان يتركها عندما تستيقظ تاخذه

واستيقظت لتحاول ان تقوم وهي تستند علي الحائط

فاحس بها وقام مسرعا

امجد:محتاجه حاجه

هدي بوهن :هدخل الحمام وكادت تقع فجري اسندها 

امجد:طب هوصلك واما تطلعي ارجعك وعملتلك شوربه خضار بالفراخ اول اما تستوي هجبهالك لانك بتاخدي مضاد ولازم تاكلي كويس هو اللي مسببلك الهبوط ده

هدي:تعبت نفسك ليه كنت هطلب اي ديلفري

امجد:انتي دكتوره وعارفه يفضل الشوربه ف حالتك وخصوصا الخضاركله فيتامينات

هدي :متشكره جدا ع اللي عملته معايا

امجد:دا مايجيش واحد ف المليون من جميلك عليا

هدي:انا بادي وظيفتي مش اكتر ودخلت الحمام  وانتظرها ليوصلها 

امجد:الدوا ده بعد ماتاكلي انا هجيب الاكل تكليه كله حتي لو وحش استحملي اهو علي ادي بقي

وفعلا احضر لها الشوربه لتاكل وتاخذ العلاج

هدي:وانت مش هتاكل

امجد:ماليش نفس

هدي:ماتخافش هحاسبك ع الاكل بعد اما تبان براءتك وتستلم شغلك وحاجتك

انا ملاحظه انك محرج تاكل وانا مش موجوده طول الوقت عشان اشوفك بس حاسه ان كل حاجه زي ماهي 

هو انا مش زي اختك في واحد يبقي قاعد مع اخته ويكسف ياكل عندها 

امجد:لا ابدا بس الحاله اللي انا فيها مخلياني مسدود نفسي عن كل حاجه

هدي:انت دكتور وعارف ينفع ماناكلش  ولازم تبقي قادر تقف عشان لمانحتاجلك 

روح هاتلك طيق ولا انا يجيلي تسمم لوحدي يعني

امجد:ههههه بقي دي اخرتها 

يعني ماعجبتكيش

هدي:لا والله حلوه نفسك احسن منيدا انا هسيب الاكل علبك

امجد:ههههع لا كده داخله علي طمع بقي

هتقعديني بلقمتي

هدي:الايد البطاله نجسه ياابو الامجاد

جريمه قتل 

الحلقه العاشره

هدي:استني كده اما اتصل بمي عشان تاجزلي انهارده وبعدين اغتت ع الواد محمد

امجد:واد محمد مين

هدي:الظابط بن خالي

امجد:يظهر انك واخده عليه اوي

هدي :مش بن خالي 

امجد:بس في حدود بردو 

هدي:استني بس انت مش فاهم حاجه

وفجاه 

ايوه يامي معلش اجزيلي انهارده لحسن عندي برد وسخنه ورجلي اجزعت

مي:ماتقولي موتي وتخلصي

هدي:ياجبانه بعد الشر عليا 

مي :طب اجيلك 

هدي:لا تيجي فين انا سافرت المنصوره علي مااخف وارجع بكره

مي:طب ياحبيبتي تيجي بالسلامه

هدي:الله يسلمك سلام

يخرب بيتك وقعت قلبي ف ركبي 

امجد:ليه 

هدي:كانت هتيجي

امحد:وايه يعني كنت هنزل 

هدي:ياسلام بسهوله كده وافرض حد شافك انت ناسي  ان صورك كانت ف الجرايد والانترنت

اما اغتت علي محمد بقي ونشوف وصل لايه

ايوه يامحمد قالبني كده ولا بتقولي حاجه ماينفعش الشغل ده ماتراقبوهم ولا تسجلوله

محمد:ماتيجي تقعدي مكاني وانا اجي انام مطرحك ماتتلمي يابت انا هلاحقها منك ولا من اختك اللي بقالي 10 ساعات اصالح فيها

كان امجديهم بالقيام فاشارت له بالجلوس

هدي:والله لها حق مش وعدتها تروح الخميس وتفسحها 

محمد:وانا اعمل ايه مش عارف اجز من القضيه المعقربه دي

هدي:طب سبهالي دي اموله عسل وطيبه

محمد:طيبه اوي دي سلختني وادتني دش وتقولي طلقني 

يابنت المجنونه هو انا لسه اجوزتك دايادوب كتب كتاب

هدي:ماتحترم نفسك يلا المجنونه دي عمتك

والواد لعمته يعني انت ابو الجنان نفسه ولم نفسك لاولعها اكتر

محمد:لا خلاص 

هدي:المهم عملتو ايه ف قضيه امجد

احنا بدانا ف مراقبته وباخد اذن من النيابه بالتسجيل 

هدي:تمام اوي تشكر اباشا مردودالك ف الافراح

محمد:كفايه اختك ياختي مش هتخلي فيها افراح

هدي:ياعم سيبها لله والعبده الفقيره هدي هظبطهالك

يلا سلام

بص بقي هيراقبوه وهيسجلو يمكن نطلع بحاجه

امحد:مين عمي 

هدي:امال امي اه طبعا

امجد:والله حاسس كل ده مش جايب همه مش ممكن عمي يعمل فيا كده

هدي:والله انت اللي طيب ومش فاهم حاجه ف الدنيا

امجد:الله يكرمك

هدي:اما اصالح البت امل اختي علي الواد محمد بقي

امجد:ليه هم متخاصمين 

هدي:الهبله تقوله طلقني حد لاقي عرسان اليومين دول

امجد:هههههه هو جوز اختك

هدي:اه كاتب عليها

امجد:بس انتي ايه مقعدك هنا لوحدك

هدي:انا من عيله كبيره اوي ف المنصوره بس حبيت اشتغل هنا ف القاهره مجالها احسن وساعدني وجود بن خالي قالو اهو حد معاها يطمن عليها وخصوصا انه جوز اختي

والشقه دي مايغرقش المنظر دي كانت تحفه بس مش عارفه بعد اسبوع تحولت بالشكل ده مابقاش في ضمير غش تجاري

امجد:غش تجاري بردو ولا اهمال

هدي:انا مهمله هو انا باجي اصلا الا ع النوم

امجد:والزباله اللي كنت هتعمي من ريحتها ف المطبخ بتنسي تطلعيها يامفتريه للزبال بره

هدي:تصدق اه وانا اقول ايه الفار الميت اللي ف المطبخ ده

داانتي ادتيني اوضه الكراكيب روحي شوفيها بقي دلوقت 

انا منظم جدا علي فكره ومابحبش الاهمال

هدي:استني كده اسندني اجي اتفرج للزمن

وذهبت لتري الحجره

تصدق ان انا كنت وخداها كده انت رجعتها لاصلهة ازاي انتي شوفتها قبل كده

امجد:حطيت كل حاجه مطرحها بس

هدي:اي اي انا مش قادره امشي خلاص انا هقعد هنا بقي وخد بتاعتي هاتلي حاجتي من هناك ينوبك ثواب

امجد:نعم ياختي احنا فينا من كده والله اشيلك ارميكي ف اوضتك مش بعد تعبي فيها تخديها ع الجاهز 

هدي:بعد اللي عملتهولك مستخسر فيا اوضتك 

اقتكرها ياامجد

امجد:اه بقي انا عاجبني دي اتكلي علي الله خير تعمل شرا تلقي

فخرجت تعرج

امجد:طماعه وانتهازيه ومهمله يلا

جريمه قتل 

الحلقه الحاديه عشر 

هدي:ذهبت الي حجرتها 

ماشي ياامجد مستخسر فيا اوضه بتاعتي وف شقتي بكره تمشي  انفرد بيها لوحدي

ونامت لتستيقظ ف الصباح وقد شعرت بتحسن في قدمها ولا توجد سخونيه

وجدته موضب الفطار 

فخرجت لا افطر انت انا مابفطرش

امجد:مافيش حاجه اسمها مابفطرش انتي ناسيه انك بنكملي كورس المضاد ماينفعش تسيبيه لازم يكمل حتي لو حسبتي بتحسن عشان ماتتنكسيش

انا حاسس انك ماتعرفيش حاجه عن الطب ابدا 

والله شاكك فيكي

افطري علي ماجيب دواكي من جوه

هدي:امجاااد

التفت لها 

انا هحاول اشوف مراتك انهارده

وفطرت واخذت علاجها ومشت لشغلها اولا ثم استاذنت لتذهب لعنوان فيلته

ولكنها لمحتها تخرج بسيارتها من الفيلا

وحاولت هدي ان تشاور ولكن نور لم تاخذ بالها

فسارت هدي بسيارتها وراء نور 

وجدتها تترجل من سيارتها فركنت وانطلقت وراءها 

ووجدتها تدخل حجره  مكتوب عليها د.مراد 

د.كبد وباطنه

هدي:ايه اللي مدخلها هنا كان الباب موارب

نور:وحشتني ياحبيبي

مراد:انتي مجنونه ايه جابك هنا

نور:مش مشتشفي ابني بعد ماابوه يتعدم اجيها وقت مانا عاوزه

ثم انت سايبني ومابتكلمنيش من زمان  ولا رجعت ف كلام ومش هنجوز بعد ما يعدموه

مراد ياحبيبتي طبعا هنجوز وانا اقدر بس مش نلفت النظر كده  لحد مايتم المراد من رب العباد

نور:اما اشوف اخرتها معاك

انت عارف اني عمري ماحبيت غير واجوزته بسبب بابا بعد اللي حصل بينا ومارضيتش تجوزني 

لكن لو حاولت تلعب بديلك تاني معايا انت حر يامراد احنا بقي بينا قتيل دلوقت وكلنا ف الخيه وعليا وعلي أعدائي لو حاولت تغدر بيا 

جرت هدي وهي تتلمس طريقها من اثر الصدمه ولم تستطيع اكمال الحوار واخذت تجول ف الطرقات 

في ناس توصل للوحشيه دي  وانا هواجهه ازاي بالكلام ده داانا احسن لي اموت قبل مااقوله دا ممكن يروح فيها دي اخر امل له طب اقوله ايه 

انا هروح لمحمد الاول اقوله ع اللي حصل 

وفعلا ذهبت لمحمد

محمد:مالك ياهدي اقعدي 

لمون بسرعه

في ايه انتي تعبانه

هدي :انا منهاره

وقصت عليه ماحدث 

دالو عرف هيتشل او تجيله جلطه

محمد:دا كده بقي في عناصر جديده واللعب هيبقي علي تقيل وانا هزود المراقبه والتسجيل هجيب اذن كمان عشان مراد ده كمان 

وذهبت من عند محمد تقدم رجل وتؤخر رجل فهو منتظرها من اجل اخبار ابنه وزوجته تاتي بالمصيبه دي فماذا تفعل وهل سيصدقها

جريمه قتل

الحلقه الثانيه عشر 

دخل مراد علي نصر 

ماتقول لبنتك تعقل وتهدي شويه الاقيها جيالي المكتب لماحد يشوفنا ولا يسمعنا يبقي كويس 

نصر:والله انت من ساعه مادخلت حياتها وانت بهدلت حياتنا كلنا مش عملتك السوده اللي عملتها معاها كانت السبب ف اللي احنا فيه لو كنت اجوزتها ماكنتش اضطريت اجوزها لابن اخويا عشان اداري علي فضحيتكو يارتني كنت قتلتكو انتو الاتنين

مراد:ليه هو انا اللي قلتلك تتاجر ف الاعضاء وتقتل هبه عشان هددتك مش طمعك ف المستشفي بدل مانت مدير تبقي صاحبها بعد ماتلفق لامجد التهمه بتاعه قتل هبه ويتعدم تستولي ع الشركه مع بنتك 

نصر:بس انت اللي قتلت هبه

ماهو كان لازم ينوبك من الحب جانب عشان تبقي معايا بدل تهديدك ليا كل شويه انك تبلغ امجد بعلاقتك بنور قلت اشركك معايا امال هتجوزها وتبقي الكل ف الكل اونطي لازم اضمنك ف ايدي 

فياريت كل واحد يتكلم علي اده كلنا ف الهوا سوا

..........

ذهبت هدي الي البيت بهدوء لا تريد ان يحس بها او تحتك به فهي لا تقوي علي مواجهته

ولكنه احس بها رغم حذرها وخرج متشوق لما ستقوله 

امجد:قابلتي نور هي كويسه وادم كويس

هدي:بدموع لا لا لا ماقبلتهاش وجرت مسرعه لحجرتها 

ليخبط ويدخل 

امجد:في ايه ياهدي مالك حصل ايه نور ولا ادم جرالهم حاجه

هدي:انت ازاي كده

امجد:مالي

هدي:انت بتحبها ياامجد 

امجد:قلتلك انا انسان عملي ماليش ف الحب والعواطف اوي بس بحترمها وبديها حقوقها وبخاف عليها هي وابني

هدي:طب ازاي مابتحبهاش وعاوزها تحبك

امجد:انا ماطلبتهاش بحب بس تبادلني احاسيسي وشعوري الاحترام وتصوني 

هدي: بابتسامه ساخره

اه تصونك اوي الصراحه

امجد:تقصدي ايه 

مراتك بتخونك ياامجد وقصت عليه ماحدث

امجد:انتي كدابه انتي اكيد مجنونه ازاي تقولي كده

هدي:انا لا كدابه ولا مجنونه انت اللي سيبت عرضك وشرفك لانسانه ماتستحقهوش

انسانه مش قادره الاقي كلمه اقولها عليها ازاي تعمل ف جوزها ابوابنها ثم تداركت دا لو ابنه اصلا 

عشان عشيقها 

فلم تجد غير كف من امجد اخرسي ادم ابني وخرج ليرزع الباب وهي مذهوله مما فعل ولكنها تلتمس له العذر فالصدمه كانت شديده عليها فكيف به....

........................

وجلس امجد علي سريره ويضع كوعه علي ركبتيه

ويمسك بر اسه التي كادت تنفجر 

هل كان الزوج المخدوع ومن من اقرب الناس له للايقاع به والتضحيه به من اجل املاكه

هل هناك بشر هكذا وهم من دمه عمه وبنت عمه 

ثم تاتي كلماتها عن ابنه ربما لا يكون ابنه حقا 

ليستشيط واقفا ليخرج من حجرته ويرزعها فتحس به تخرج من حجرتها لتجده يهم للاتجاه لباب الشقه

جريمه قتل 

الحلقه الثالثه عشر 

جرت تسبقه للباب وتغلقه بالمفتاح لتضعه ف صدرها وهو يشدها من الخلف 

امجد:هاتي المفتاح بقولك

ابعدي عن طريقي السعادي ياهدي احسن لك

هدي:مش هبعد ياامجد  ومش هسيبك تخرج

امجد والشرر والغضب يتطاير من عينيه وهي لم تره هكذا من قبل فلو جاءها اول يوم هكذا لاجزمت انه القاتل ولكنها تعلم مابه واخاف عليه ان يفعل شيئا

هاتي المفتاح ياهدي ماتضطرنيش اخده بالقوه

هدي :مش هدهولك علي جثتي ياامجد 

يمسكها من ذراعيها بقوه بقولك هاتي ال م ف ت ا  ح ياهدي انتي مش ادي

هدي تجري علي حجرتها ويجري وراها 

مش هسيبك تضيع نفسها عشان واحده زي دي عديمه الشرف 

وتطلع تجري ع السرير وتقفر وهو وراءها وتخرج من حجرتها لحجرته وتغلق عليها 

امجد:افتحي بقولك ويحاول فتح باب الحجره

هدي :مش هفتح 

بالله عليك ياامجد اعقل ماتضيعش نفسك احنا خلاص قربنا نوصل لهم وتطلع براءه ماتضيعش نفسك ابوس ايدك 

فيجلس امجد يبكي بجانب الباب 

فتفتح وتبكي علي بكاءه

امجد:ليه يعملو فيا كده دا جزاءي عشان طيب وبتعامل مع الناس بحسن نيه 

هدي  :العيب مش فيك صدقني هم اللي مش بشر دا الحيوانات عندهم وفاء عنهم 

امجد:معقول ادم مش ابني حتي الفرحه الوحيده ف حياتي تطلق كذب ليميل راسه علي كتفها ويجهش ف البكاء فتحتضن راسه وهي تبكي ان شاء الله يطلع ابنك اما نخلص من الموضوع ده اعمل D.N.a واتاكد

لياتي تليفون فتقوم مسرعه

هدي:الو ايوه محمد

محمد:خلاص سجلنا اعترافات هتوديهم ف داهيه سودا دا بيتاجرو ف البشر  ف الاعضاء ودا الدافع لقتلها 

هدي:نهار اسود دا انا لسه معرفاه مصيبه اقوله ع الكارثه دي ازاي 

محمد:المهم يجي عشان نستكمل الاجراءات ونطلعه براءه ونحقق معاهم مش هينكرو بعد التسجليات اما نواجههم بيها

واغلقت معه لتجده خلفها 

خير قولي قولي انا جسمي نحس شوفتي بقيت ريلاكس خالص اهو

هدي:عمك كان بيتاجر ف الاعضاء البشريه

وجريت 

امجد:تعالي تعالي مش هضربك مش قلتلك بقيت ريلاكس

كملي هاتي ماعندك اتحفيني

هدي:تقريبا كده هبه عرفت وهددته تقولك 

وده بقي لو ربطت اللي قاله محمد باللي سمعته من محمد لما استجوب الممرضه وهددته هبه انها تقولك

امجد:وانا دخلي ايه يلبسوهالي ليه

هدي:تصدق انك.غبي ياامجد ولهم حق يعملو فيك اكتر من كده دا انا فهمت وانت لسه

عشان يافالح تلبسها وتتعدم وهم يستولو ع المستشفي والفيلا واي حاجه عندك والاخر تجوز حبيبها ويعيسو في سعاده وسرور ويخلفو بنين وبنات

امجد:ياولاد الذين لعبوها صح جدا وانا اللي طلعت حمار

هدي:طب يلا ياحمار يوووه اسفه يلا ياامجد ع القسم لازم نستكمل الاجراءات

جريمه قتل

الحلقه الرابعه عشر والاخيره

ذهب محمد الفيلا للقبض علي نصر ونور 

نصر:انتو ازاي تيجو هنا انتو مش عارفين انا مين 

ومافيش دليل عليا 

محمد:هنشوف الكلام ده هناك

وايضا لالقاء القبض علي مراد 

وف القسم  اسمعهم التسجيلات 

هاااا هتحكو بقي ولا نكتفي بالتسجيلات

مراد:هو اللي خاف لحسن هبه تكشفه قدام امجد وتقوله علي تجاره الاعضاء ويرميه بره

وجالي واترجاني انفذ ويبقي ليا نصيب ف المستشفي لما امجد يتعدم واجوز نور وليا اداره المستشفي كمان

بس هو نصر وبنته اللي مخططين كل حاجه انا نفذت بس اللي قالوه

نور كانت عاوزه تخلص منه عشان تجوزني

منهم لله ودوني ف داهيه

نصر:هو معانا ف كل حاجه حتي تجاره الاعضاء كان بياخد نصيبه

محمد:وايه عرف الدكتوره هبه

نصر:كان في بنت عملولها عمليه وكانت بتشتكي راحت لهبه عملتلها اشعه لقت مافيش كليه  والبنت كانت داخله تشيل حصوات واكتشفت انها عملت العمليه عندنا وجت تهددني فقررت اتخلص منها بمساعده مراد

محمد:بس ليه تلبس امجد بالذات 

نصر:انا رحت العياده لهااكلمها بس سمعت الممرضه بتكلم امجد وبتقوله يجلها الساعه 10

فجيت جري لمراد وبلغته لازم نتخلص منها  قبل عشره وفعلا مجرد ما مشيت الممرضه طلع مراد وخلص عليها واما جه امجد راح خابطه وجري وقلنا نخلص من الاتنين وتبقي المستشفي لنا

جاء امجد :وجالك قلب تعمل فيا كده انا بن اخوك

دا انا سيبتلك مالي واجوزت بنتك لما قلتلي مع انها عيله بس قلت مااكسفش عمي ف طلبه دا متعشم فيا اصونها واحميها بعده تقومو تعملو فيا كده

محمد:اتفضل يادكتور امجد عشان نخلص ورق خروجك

ونادي علي المخبر 

خدهم ع الحجز بعد مايمضو علي اقوالهم

وفعلا اتحجزو واصبحت قضيه 

وجاء فيها الحكم 25 سنه لمراد ونصر و10 سنوات لنور

اما امجد فعمل التحليل لادم وطلع ابنه 

وطلق نور طبعا 

وذهب مسرعا لهدي 

امجد:ادم طلع ابني ياهدي

هدي :الف مبروك يا امحد قلتلك ان شاء الله يطلع ابنك

امجد :ممكن اعزمك علي العشا انهارده 

شكر وعرفان بجميلك

هدي:مافيش لزوم.انا عملت اللي عليا

امجد:ارجوكي هستناكي اوعي ماتجيش 

رجعت الي بيتها وقد احست بفراغ كبير بعد ذهاب امجد لفيلته ولكنها اخذت تجاهد هذا الاحساس

فارتدت ثيابها وتانقت لتذهب للعشاء ف العنوان الذي اعطاه اياها 

وتدلف من باب المطعم لتجده مظلم وهادي كادت تخرج ولكن هناك اضاءات ملونه خافته ووجدت الارض كلها بالونات قلوب حمراء وبيضاء فاخذت ترج راسها اتحلم ام ما هذا 

ووجدت اضاءه من بعيد علي شاب طويل عريض وسيم ياتي في اتجاهها 

هدي تتفحص ملامحه هااااا امجد 

فتجده يجلس علي ركبه واحده 

تقبلي تجوزيني 

هدي:انت فاجءتني الصراحه 

فيعتدل امجد هنستهبل بقي 

باماره حد لاقي عرسان اليومين دول 

مش عاوزه خلاص 

هدي:طب اصبر بس نتفاهم واد ياامجد تعالي 

ياواد تعالي انا موافقه يخربيتك مش عارفه اجري بالكعب

امسكوه سرق شنطتي 

فرجع لها 

اخرتها هتتبلي عليا 

اعملك ايه ماصدقت طفشت

ايه كنت بتتقدم وتدعي اني ارفض

جاي امتي المنصوره

امجد:واروح اعمل ايه ف المنصوره

هدي:تصدق اني غلطانه واستاهل ضرب الجزمه اني وافقت هناكل كشري هناك

مش هتتقدم لاهلي هناك

امجد:اه صحيح نسيت انك.من المنصوره 

يلا بينا 

وتزوج امجد هدي 

امجد:شوفي بقي الهرجله بتاعتك.دي انا مابطقهاش انا بتخنق من الاهمال

احط الحاجه الاقيها مكانها 

فين جهاز الصغط بتاعي 

هدي:تحت السرير 

امجد:بيعمل ايه تحت السرير

هدي:معرفش ماتساله

وفين السماعه

شوفها ف الحمام كده

امجد:نهار اسوح السماعه بتهبب ايه ف الحمام

لا انتي غير محتمله خالص

اعمل ايه الحمل تاعبني 

امجد:حمل ايه اللي هيودي السماعه ف الحمام وجهاز الضغط تحت السرير

كان الواد بيلعب بيهم ف بطنك وبعدين رماهم

لو ماتعلمتيش النظام انا مش هتحمل كتير 

هدي :هتعمل ايه يعني اتكل علي الله وشد الباب ف ايدك 

امجد:تحبي اعرفك هعمل ايه

هدي:اتلم ياامجد انا علي اخري وهنفجر ف وشك 

امجد:يابااااي عليكي انا ماشي 

يابت انا ماشي يابت 

هدي:اعملك ايه اقوم ارقص ولا اعملك.تعظيم سلام

امجد:ستات تسد النفس والله ماعارف ايه هفني ف نفوخي واجوزتك

#مجلة_الشفق

روايات بالعامية المصرية