تاخر لغوى ناتج عن الحرمان البيئى ( الأسباب والعلاج )

⚠️كتير من الامهات بتسمع عند  تشخيص طفلها تأخر لغوي ناتج عن #الحرمان_البيئي ...يعني ايه؟ 

 💭الام بتبقي شكوتها أثناء تقييم طفلها  انا ابني مش بيتكلم زي الاطفال و كمل سنتين و مش بيقول غير ماما و بابا وممكن يقول اسمه  او كلمات بسيطة واحيانا غير موظفة مش بيعرف يقول جملة من كلمتين وهو بيفهم كويس واي حاجه بطلبها منه بيجبها فاهمني لكن مش عارف يعبر وبتبقي عايزة تعرف سبب  المشكله ؟؟؟❓️❓️

👈المشكله تتلخص بعد التأكد من سلامة اعضاء النطق والكلام وان الطفل بيسمع كويس ✔️✅️ هنلاقي أن الطفل عشان يكتسب اللغة ويستخدمها  لازم تكون البيئة المحيطة به  بتشبع  حاجاته ، يكون موجود في وسط محيط وغني باللغة عشان يقدر يكتسبها ويستخدمها ويتطور النمو اللغوي تطور طبيعي وملحوظ  وعدم حدوث تأخر .

⚜️تمام يادكتورة عايزة اعرف  ايه هي #أسباب التأخر #اللغوي الناتجة عن الحرمان البيئي ؟؟؟

 

١. قلة الكلام مع الطفل منذ الولادة وبداية اكتسابه للغة  لأسباب كتيرة منها  انشغال الاهل او  عدم ادراكهم ان الطفل هيفهم أو طبيعتهم الهادئة .

٢. اشغال الطفل بالاجهزة الالكترونية وأفلام الكارتون والالعاب الإلكترونية لساعات طويلة  و عدم اجباره على التفاعل مع البيئة المحيطة وانشغال الام بالأعمال والمهام المنزلية .

٣. انةيكون طفل وحيد وليس لديه أخوة اكبر  أو اطفال يتفاعل معاهم  في محيطه .

٤.تلبية احتياجات الطفل وزيادة تدليله فلا يحتاج الطفل لبذل جهد في التفاعل والكلام مع المحيطين به .

٥.وجود الطفل في بيئة واستخدام لغة مختلفة عن اللغة  المستخدمة داخل المنزل 

🧩كده عرفنا أسباب المشكلة طب ياتري ايه هو حلها وهل الطفل هيحتاج جلسات تخاطب أو تنمية مهارات ؟؟؟

             ⬇️⬇️⬇️⬇️⬇️⬇️⬇️

💫 تقليل الجلوس امام الاجهزة الالكترونية هنبدأ نقلل مدة استخدام الطفل للأجهزة تدريجيا ونشغل وقت فراغه بألعاب تنمي مهاراته .

💫 هنبدأ نزود التفاعل والحديث  مع الطفل و اعرفه كل حاجه محيطة به  و اشاركه في كل حاجه من بداية اليوم وحتي النوم .

 💫احكيله قصص كتير و اساعده يفكر و يستنتج  ويبدا يحكي هو القصة ويعبر عن مشاعره ممكن نستخدم عرايس قفازية قصص ملونة  ودايما نشجعة علي الكلام وتحفيزه علي انه يطلب احتياجاته من اكل وشرب ولعب قبل تنفيذها دايما (اقوله عايز ايه ؟؟ قول كذا ،هات ،خد وهكذا ...)

💫 لازم نهتم ان الطفل يبدأ ينزل حضانه عشان يتفاعل مع الاطفال من نفس سنه و يكتسب منهم اللغة ويتفاعل معهم 

💫الاهتمام بتوفير العاب وأنشطة يومية مع الطفل لتنمية مهاراته 

💬 جلسات تنمية مهارات فردية وجماعية لمساعداته علي تنمية المهارات اللغوية والتفاعل الاجتماعي. 

#تنميةمهارات #التأخراللغوي #الحرمان_البيئي #جلسات_تنميةالمهارات

#نمي_مهارات_طفلك #التدخل_المبكر

#أخصائيةالتربيةالخاصة 

#د_غادةهندي